Беспрекорна програма, просечна изведба
Импозантната програма од домашното и од руското творештво избрана за роденденскиот концерт на Македонската филхармонија, која се одржа завчеравечер во Домот на АРМ, беше просечно изведена. Најуспешна беше изведбата на извадоци од интересната симфониска суита „Зодијак“ на композиторот Сони Петровски. Авторот во ова дело го претставува толкувањето на астролошките знаци преку разновидност на формата и обемна палета од ритам и мелодија. Тој направил исклучителна комбинација на повеќе музички жанрови, задржувајќи ги класичните принципи на компонирање. Филхармоничарите успешно го пренесоа делото, кое е интересно и за пошироката публика, но по неговата изведба, како сé да застана.
Во редовите на МАНУ нема музички дејци Македонската академија на науките и уметностите во своите редови нема ниту еден член од областа на музичката уметност. Композиторот Ристо Аврамовски, кој почина во 2007 година, беше последниот академик од музичката фела, кој токму преку МАНУ се залагаше за афирмација на македонското музичко творештво. Денес, проекти од областа на музичката наука, на пример, што би го потврдиле значењето и улогата на оваа сфера како битен дел од македонската култура, но и би влијаеле врз нејзиниот развој речиси се невозможни да се реализираат. Музичките уметници, композиторите, диригентите, музиколозите и етномузиколозите се едногласни во ставот дека е неопходно да се најде музички уметник во редовите на МАНУ за да се залага за сите состојби на музичката култура.
Концерти со дела од македонски автори на дуото Митева-ТрајковаИдејата за реализирање на концерт со музика од македонски автори, како што истакнува пијанистката Невенка Трајкова, е поттикната од учеството на научните симпозиуми во рамките на манифестацијата „Струшка музичка есен“, каде во изминатите години централна тема е актуелната состојба во кој се наоѓа македонското современо музичко творештво и неговата афирмација на концертните подимуи во земјата и странство. Делата за флејта и пијано, што ќе бидат изведени на овој концерт претставуваат дел од докторската дисертација со наслов „Улогата на пијаното во камерните дела на македонските композитори, интерпретација и ансамблови проблеми“ на м-р Невенка Трајкова, што таа во моментов ја работи на Универзитетот во Софија. Автор: Д. П. Хрватските композитори имаат 17 пати поголем буџет од нашитеМинистерството за култура годинава одвои само седум илјади евра за современа музичка продукција, а парите сé уште не се исплатени. Додека СОКОМ ја чека исплатата, Хрватскиот сојуз на композитори веќе ја доби својата - и тоа 120 илјади евра Домашните композитори со години водат војна со надлежните институции да добијат солиден буџет за македонското музичко творештво. Така е и оваа година. Министерството за култура одвои само 450 илјади денари (или околу седум илјади евра) за современа музичка продукција, кои сé уште не се исплатени. Додека СОКОМ ги чека парите, само за илустрација, хрватскиот сојуз на композитори веќе доби пари и за идната година, и тоа 900 илјади куни, или 120 илјади евра.
Новата концертна сала ќе живее 365 денаПрограмските активности во новата концертна сала ќе бидат подинамични, а на содржината се работи уште отсега, велат од Македонската филхармонија
Новиот изглед на ентериерот Програмските активности на Македонската филхармонија во новата концертна сала, која се гради, ќе бидат многу подинамични од досега, најавува Маја Чаначевиќ, директорка на Филхармонијата.
Kонцерт со шведски музичари Виолинистот Семи Сталхамер и виолончелистката Изабел Бломе од Шведска вечерва во 20 часот во Музејот на град Скопје ќе одржат заеднички концерт со македонската пијанистка Марија Ѓошевска.Преземено од Дневник Македонската филхармонија започнува со циклусот „Кирилица“
Ќе биде изведена популарната композиција „Чардаш“ на италијанскиот композитор, виолинист и диригент Виторио Монти, композиција која иако ако оригинално напишана за виолина и пијано, во интерпретацијата на Лумановски ќе прозвучи на кларинет.
Пијанистот Никола Паскалов како солист во Загреб Пијанистот Никола Паскалов, по покана од реномираниот диригент Павле Дешпаљ, вечерва во Загреб ќе настапи како солист со оркестарот на Хрватската радио-телевизија, на концертот што ќе се одржи во големата концертна сала „Лисински“. Паскалов ќе го изведе Концертот за пијано и за оркестар од хрватскиот композитор Николаус Гласл. Ова дело ќе биде изведено за прв пат и ќе биде снимено за потребите на музичката продукција на ХРТ. Композиторот Гласл е роден во 1920 година во Будимпешта, студирал композиција во Хрватска, а потоа се преселил во Минхен, Германија, каде живее и работи до денес. Инаку, Гласл е дедо по мајка на македонскиот пијанист Никола Паскалов и е значаен претставник на хрватската композиторска школа. (Т.И.) Преземено од Утрински весник Ново ЦД издание на проф. д-р Томе Манчев Новото ЦД издание со музика од проф. д-р Томе Манчев, насловено “Од композиторскиот опус“ содржи повеќе нумери од творештвото на Манчев меѓу кои: Симфонија бр.2 “Паганофонија“ за оркестар, “Стара песна“ за оркестар, кантатата “Татковина“ за солист, рецитатор, мешан хор и оркестар, “ДД...“ за соло флејта, “Каденца и кода“ за дувачко трио.
Македонската филхармонија ќе настапи во новата опера во Оман Во Мускат, главен град на арапската земја, Македонската филхармонија ќе настапи во јануари, во новото архитектонско здание кое предизвика сензација Тина Иванова По долги години пауза, оркестарот на Македонската филхармонија во јануари ќе гостува надвор од земјава. Станува збор за Мускат, главен град на арапската земја Оман, каде што нашата Филхармонија ќе концертира на сцената во новата, неодамна отворена оперска куќа, во која оваа сезона ќе гостуваат и престижните оркестри на Виенската, Лондонската филхармонија, на Американскиот балет, на Маринскиот театар. Отворањето на новата оперска куќа во Оман, кое се случи во октомври, предизвика сензација поради исклучителната архитектоника на зградата. Македонската филхармонија ќе биде првата институција од нашата земја од областа на културата што ќе ја посети оваа арапска земја, официјално наречена Султанатот Оман.
|
Под диригентска палка на Мартин Пантелеев од Бугарија, вечерва во 20 часот на концертниот подиум на Македонската филхармонија како солист ќе настапи македонскиот виртуоз-кларинетист Исмаил Лумановски. Со тој концерт Филхармонијата го почнува циклусот „Кирилица“.